Malayalam Movies and Songs
പതിനാല് വര്ഷം പെട്ടിയിലിരുന്ന സിനിമ റിലീസ് ചെയ്തു
പതിനാല് വര്ഷം മുമ്പ് ചിത്രീകരിച്ച് പെട്ടിയില് വെച്ചൊരു സിനിമ ഇക്കഴിഞ്ഞ ഒക്റ്റോബര് 12 ന് റിലീസ് ചെയ്തു.സിദ്ദിഖ് നായകനായ കര്പ്പൂരദീപമാണ് നിര്മ്മാതാവ് സ്വപ്ന ബേബിയുടെ സ്വപ്നമായി പുറത്തിറങ്ങിയത്.ശാന്തി കൃഷ്ണയാണ് നായിക. സുരേഷ് ഗോപി നായകനായി തുടങ്ങിയ ചിത്രം പത്ത് ദിവസത്തെ ചിത്രീകരണത്തിന് ശേഷം സാങ്കേതിക കാരണങ്ങളാല് മുടങ്ങി.തുടര്ന്ന് ഒരു വര്ഷത്തിന് ശേഷം ജയറാമിനെ നായകനാക്കി വീണ്ടും ചിത്രീകരിക്കാന് ശ്രമിച്ചു.അതും മുടങ്ങിയതോടെ ആറ് മാസത്തിന് ശേഷം മനോജ് കെ ജയനെ നായകനാക്കാന് നോക്കി.പിന്നീട് നിര്ത്തി വെച്ച സിനിമ 2000 ല് സിദ്ദിഖിനെ നായകനാക്കി ചിത്രീകരണം തുടങ്ങി.
അത് വരെ ഉര്വ്വശി ആയിരുന്നു നായികയെങ്കില് ചിത്രീകരണം തുടങ്ങിയതൊടെ ശാന്തി കൃഷ്ണ നായികയായി. 2000 ഡിസംബറോടെ ചിത്രം ഡബ്ബിങ്ങ് പൂര്ത്തിയാക്കി പെട്ടിയിലാക്കി. 40 ലക്ഷം രൂപ ബഡ്ജറ്റിട്ട് തുടങ്ങിയ സിനിമയ്ക്ക് അതിനകത്ത് 75 ലക്ഷത്തോളം രൂപ ചിലവാക്കിയിരുന്നു. കഴിഞ്ഞ വര്ഷമാണ് ചിത്രം സെന്സര് ചെയ്തത്. അതിന് ശേഷവും വിതരണക്കാരെ കിട്ടാതെ ചിത്രം പെട്ടിയില് കിടന്നു.
ഈ സിനിമയില് അഭിനയിച്ച രതീഷും ജോസ് പെല്ലിശ്ശേരിയും ഇന്ന് ജീവിച്ചിരിപ്പില്ല. എന്നാലും ചിത്രം തീയറ്ററില് എത്തിക്കണമെന്ന സ്വപ്നമാണ് സ്വപ്ന ഫിലിംസ് ഉടമ ബേബി നിറവേറ്റിയത്.14 വര്ഷത്തിനിടയില് ബേബി വേറെ സിനിമയോന്നും എടുത്തിട്ടില്ല. തൃശ്ശൂര് സ്വദേശി എഴുപത്തിയൊന്നുകാരനായ ബേബിയുടെ പത്താമത്തെ ചിത്രമാണ് കര്പ്പൂര ദീപം.പ്രേംസസീറും ശാരദയും ചേര്ന്നഭിനയിച്ച കാക്കത്തമ്പുരാട്ടി ആയിരുന്നു ആദ്യ ചിത്രം.ജോര്ജ്ജ് കിത്തുവാണ് കാക്കത്തമ്പുരാട്ടി സംവിധാനം ചെയ്തിരിക്കുന്നത്.ചൊവ്വല്ലൂര് കൃഷ്ണന്കുട്ടിയുടേതാണ് കഥ. യൂസഫലിയുടേയും ജോണ്സണ്ന്റേയും കൂട്ടുകെട്ടില് രചിച്ച ഗാനങ്ങള് ആലപിച്ചിരിക്കുന്നത് യേശുദാസ്, ചിത്ര, എം ജി ശ്രീകുമാര് എന്നിവരാണ്. മല്ലികാ യൂനുസ്സിന്റെ ചെറുകഥയാണ് സിനിമയാക്കിയത്.
ചെറുവത്തൂര് മൂവീ മെയ്ക്കേഴ്സ് ആണ് ചിത്രം പ്രദര്ശനത്തിനെത്തിക്കുന്നത്.
ഈ വിഭാഗത്തിലെ മറ്റ് വാര്ത്തകള്
• വൈക്കം വിജയലക്ഷ്മി തമിഴിലും ഹിറ്റ്
• ദൃശ്യത്തിന്റെ തമിഴ് പതിപ്പില് കമല് ഹാസന്
• മോഹന്ലാലിന്റേയും ഫഹദിന്റേയും സംവിധായകന് ആയി ഗൗതം മേനോന്
• ശ്യാമപ്രസാദ് വെള്ളിത്തിരയില്
• "മമ്മൂട്ടി എന്റെ സിനിമാജീവിതത്തെ കൊന്നു" - കെ ജി ജോര്ജ്ജ്