ചിത്ര അരുണ്‍

1984 ഫെബ്രുവരി 20 നു പാലക്കാട് മുണ്ടൂർ അനുപുരത്ത് പിഷാരത്തു ജനനം. അച്ഛൻ ഭരതൻ, അമ്മ മാലതി. മുണ്ടൂർ ഗവണ്മെന്റ് സ്‌കൂളിൽ പ്രാഥമിക വിദ്യാഭ്യാസം. തുടർന്ന് പാലക്കാട് PMG HSSൽ നിന്ന് +2 വിദ്യാഭ്യാസം നേടി. അച്ഛന്റെ സഹോദരിയുടെ മകളായ ജ്യോതിയിൽ നിന്ന് നാലാം വയസ്സിൽ കർണാടക സംഗീതത്തിന്റെ ബാലപാഠങ്ങൾ അഭ്യസിച്ചു തുടങ്ങി. തുടർന്ന് നിരവധി ഗുരുക്കന്മാരിൽ നിന്ന് സംഗീതത്തിൽ ശിക്ഷണം നേടിയ ശേഷം ചിറ്റൂർ ഗവണ്മെന്റ് കോളേജിൽ നിന്ന് ബി എ മ്യുസിക്കിൽ രണ്ടാം റാങ്കും ആർ എൽ വി സംഗീത കോളേജിൽ നിന്ന് എം എ മ്യുസിക്കിൽ ഒന്നാം റാങ്കും കരസ്ഥമാക്കി. വിവാഹ ശേഷം ഗാനമേള രംഗത്ത് സജീവമായി. എ രാമചന്ദ്രന്റെ സംഗീതത്തിൽ 2009 ലാണ് ഒരു ആൽബത്തിന് വേണ്ടി ആദ്യമായി പാടുന്നത്. പിന്നീട് വിദ്യാധരൻ, ജയവിജയ, ജെറി അമൽദേവ് തുടങ്ങി അനവധി സംഗീത സംവിധായകർക്ക് വേണ്ടി പാടി. 2013ല്‍ ഹൌസ് ഫുള്‍ എന്ന ചിത്രത്തിലൂടെ സിനിമയില്‍ സജീവമായി. ഭര്‍ത്താവ് അരുണ്‍. മക്കള്‍: ആനന്ദ്, ആരാധ്യ. പ്രശസ്ത കഥാകൃത്ത് മുണ്ടൂര്‍ കൃഷ്ണന്‍കുട്ടി അച്ഛന്റെ സഹോദരനാണ്.

തയ്യാറാക്കിയത് : രാജഗോപാല്‍