എൻ കുഞ്ഞുറങ്ങിക്കൊൾ ...

വരികള്‍

Lyrics submitted by: Ralaraj

വരികള്‍ ചേര്‍ത്തത്: Ralaraj എന്‍ കുഞ്ഞുറങ്ങിക്കൊള്‍കെന്‍ കുഞ്ഞുറങ്ങിക്കൊള്‍- കെന്‍ കുഞ്ഞുറങ്ങിക്കൊള്‍കെന്റെ തങ്കം നാളെ പുലര്‍കാലത്തുന്മേഷമിന്നത്തെ- ക്കാളും ഇണങ്ങി ഉണര്‍ന്നെണീപ്പാന്‍ (എന്‍ കുഞ്ഞു ... ) എല്ലാര്‍ക്കും നിദ്രതന്‍ അങ്കത്തില്‍ വിശ്രമി- ച്ചുല്ലാസം കോലുവാന്‍ കാലമായി വെള്ളിച്ചാര്‍ ഒത്തു വിളങ്ങും നിലാവിതാ വെള്ളക്കിടക്ക വിരിച്ചു നീളെ മാന്തളിര്‍ തിന്നു മദിച്ചോരിളം കുയില്‍ പൂന്തേന്‍ കുഴമ്പാല്‍ നിന്‍ കര്‍ണ്ണയുഗ്മം പാടെ നിറപ്പാനായ് തന്‍ ഗളനാളത്താല്‍ ഓടക്കുഴലിടയ്ക്കൂതിടുന്നു (എന്‍ കുഞ്ഞു ... ) സ്വച്ഛസമീരനെന്നോമനക്കുട്ടന്റെ നല്‍ ചെങ്കുരുന്നൊളി മെയ് തലോടാന്‍ പിച്ചകമുല്ലപ്പൂം തൊങ്ങല്‍ ചലിപ്പിച്ചു പിച്ച നടന്നിതാ വന്നീടുന്നു ഈ മുഗ്ദ്ധ തെന്നലേറ്റങ്ങിങ്ങു ചിന്നിയ കാർമുകിൽ കൊണ്ടരാവൊന്നൊതുക്കി കൗമുദി കോമളം പുഞ്ചിരി കണ്ടു നിൻ പൂമുഖത്ത് അമ്മയൊരുമ്മ വെയ്ക്കാം ആമ്പല്‍പ്പൂ പോലുള്ള നിന്മിഴിയൊട്ടൊട്ടു കൂമ്പുന്നതിന്‍ ഭംഗി കാണുവാനോ സാമ്പ്രതം നോക്കി നില്‍ക്കുന്നു നഭസ്സിങ്കല്‍ ആമ്പല്‍ വിടര്‍ത്തുന്നൊരമ്പിളി താന്‍ എൻമകനുച്ചക്കീ കോലായീലെന്നപോൽ അംബരവീഥിയിലന്തിക്കേവം കേളിയിൽ വാശിയുള്ളേതൊരു പൈതലും ചോളത്തിൻ പൂമ്പലർ വാരിച്ചിമ്മി (എന്‍ കുഞ്ഞു ... ) ശ്യാമയാം തേവിതൻ ഓമൽക്കിടാവിതാ ശ്യാമളപ്പൂമെയ് അനങ്ങിടാതെ അച്ഛനാം യാഗിനി നാഥന്റെ മാർത്തട്ടിൽ സ്വച്ഛന്ദം പറ്റിക്കിടന്നിടുന്നു വീണ്ടും ഉണർന്നേക്കുമ്പോഴേക്കും പുത്രനെ പൂണ്ടു ലാളിപ്പാനായി സുപ്രഭാതം കാന്തി തഴച്ചൊരു ചെമ്പൊന്നിൻ പമ്പരം ഏന്തി കിഴക്കുനിന്നെത്തുമല്ലോ സ്വൈര്യം തൻ പൈതലാം ലോകത്തെയൊക്കെയും ഓരോരോ നിശ്ശബ്ദഗീതം പാടീ ഹാ തക്ക നേഹത്തുറക്കിയുണർത്തുന്ന മാതാവെൻ ബാലനെ പാലിക്കട്ടേ ... (എന്‍ കുഞ്ഞു ... )