സപ്തമി ചന്ദ്രനെ ...

ചിത്രം	വെളിച്ചം അകലെ (1975)
ചലച്ചിത്ര സംവിധാനം	ക്രോസ്സ്ബെല്‍റ്റ് മണി
ഗാനരചന	വയലാര്‍
സംഗീതം	ആര്‍ കെ ശേഖര്‍
ആലാപനം	പി സുശീല, പി ജയചന്ദ്രൻ

വരികള്‍

Added by ജിജാ സുബ്രഹ്മണ്യൻ on June 10, 2010

സപ്തമീചന്ദ്രനെ മടിയിലുറക്കും
സുരഭീമാസമേ നിന്റെ
സ്വപ്നം വിടർത്തും രോമാഞ്ചമല്ലേ
നക്ഷത്ര പുഷ്പങ്ങൾ

ഭൂമിയിൽ വീഴുമവയുടെ സ്വർണ്ണപൂമ്പൊടികൾ
പൂനിലാപൂമ്പൊടികൾ
വാരിയണിയും വസന്തലക്ഷ്മിക്ക്
വയസ്സു പതിനേഴ് എന്നും
വയസ്സു പതിനേഴ്
രജനീ രജനീ നിന്റെ പതിനേഴാം വയസ്സിലെ
ദാഹം തീർക്കും രഹസ്യകാമുകനാര്
മറ്റാര് മറ്റാര്

താഴ്വരപ്പൂവിൻ ഇതൾക്കുടം നിറയും
തേന്മഴയിൽ ഈ കുളിർത്തേന്മഴയിൽ
മാറിൽ മുറുകും നനഞ്ഞ പട്ടുമായ്
മറന്നു നിൽക്കുമ്പോൾ എല്ലാം
മറന്നു നിൽക്കുമ്പോൾ
രജനീ രജനീ തങ്കച്ചിറകുകൾ കൊണ്ട്
നിൻ ദേഹം പൊതിയും രഹസ്യകാമുകനാര്
മറ്റാര് മറ്റാര്

----------------------------------

Added by devi pillai on November 21, 2010

sapthami chandrane madiyilurakkum
surabhee maasame ninte
swapnam vidarthum romaanchamalle
nakshathra pushpangal

bhoomiyil veezhum avayude swarnna poombodikal
poonilaa poombodikal
vaariyaniyum vasanthalakshmikku
vayassu pathinezhu ennum vayassu pathinezhu
rajanee rajanee ninte pathinezhaam vayassile
daaham theerkkum rahasya kaamukanaaru
mattaaru mattaaru

thaazhvarappoovil ithalkkudam nirayum
thenmazhayil ee kulir thenmazhayil
maaril murukum nananja pattumaay
marannu nilkkumbol ellaam
marannu nilkkumbol
rajanee rajanee thankachirakukal kondu
nin deham pothiyum rahasyakaamukanaaru?
mattaaru mattaaru?

ഈ സിനിമയിലെ മറ്റ് ഗാനങ്ങള്‍

വാര്‍മുടിയില്‍: ആലാപനം : കെ ജെ യേശുദാസ് | രചന : വയലാര്‍ | സംഗീതം : ആര്‍ കെ ശേഖര്‍

ജന്മബന്ധങ്ങൾ: ആലാപനം : കെ ജെ യേശുദാസ് | രചന : വയലാര്‍ | സംഗീതം : ആര്‍ കെ ശേഖര്‍

എനിക്കു ദാഹിക്കുന്നു: ആലാപനം : പി സുശീല | രചന : വയലാര്‍ | സംഗീതം : ആര്‍ കെ ശേഖര്‍